นอนาสวญฺเจว นโน จ อาสวํ นสนิทสฺสนสปฺปฏิฆํ ธมฺมํ ปฏิจฺจ สาสโว เจว โน จ อาสโว สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… คณิตเกน ตีณิฯ

(นอาสวญฺเจว นอนาสวํ นอนิทสฺสนสปฺปฏิฆมูเลปิ ปุริมนเยน ตีณิเยวฯ)

นอาสวญฺเจว นอนาสวญฺจ นอนิทสฺสนอปฺปฏิฆํ ธมฺมํ ปฏิจฺจ สาสโว เจว โน จ อาสโว อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

(อาสวอาสวสมฺปยุตฺตทุเก ปญฺหา น ลพฺภติฯ)

19-22. อาสววิปฺปยุตฺตสาสวทุก-สนิทสฺสนตฺติกํ

[98] อาสววิปฺปยุตฺตํ นสาสวํ นสนิทสฺสนสปฺปฏิฆํ ธมฺมํ ปฏิจฺจ อาสววิปฺปยุตฺโต สาสโว สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

อาสววิปฺปยุตฺตํ นอนาสวํ นสนิทสฺสนสปฺปฏิฆํ ธมฺมํ ปฏิจฺจ อาสววิปฺปยุตฺโต สาสโว สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ คณิตเกน ตีณิฯ

(อาสววิปฺปยุตฺตนสาสวนอนิทสฺสนสปฺปฏิฆมูเลปิ ปุริมนเยเนว ตีณิ ปญฺหาฯ)

อาสววิปฺปยุตฺตํ นอนาสวํ นอนิทสฺสนอปฺปฏิฆํ ธมฺมํ ปฏิจฺจ อาสววิปฺปยุตฺโต สาสโว อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

20-54-22. สญฺโญชนาทิฉโคจฺฉกานิ-สนิทสฺสนตฺติกํ

[99] โนสญฺโญชนํ นสนิทสฺสนสปฺปฏิฆํ ธมฺมํ ปฏิจฺจ โนสญฺโญชโน สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา…ฯ (ตีณิ ปญฺหาฯ)

[100] โนคนฺถํ นสนิทสฺสนสปฺปฏิฆํ ธมฺมํ ปฏิจฺจ โนคนฺโถ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

[101] โนโอฆํ นสนิทสฺสนสปฺปฏิฆํ ธมฺมํ ปฏิจฺจ โนโอโฆ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

[102] โนโยคํ นสนิทสฺสนสปฺปฏิฆํ ธมฺมํ ปฏิจฺจ โนโยโค สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

[103] โนนีวรณํ นสนิทสฺสนสปฺปฏิฆํ ธมฺมํ ปฏิจฺจ โนนีวรโณ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

[104] โนปรามาสํ นสนิทสฺสนสปฺปฏิฆํ ธมฺมํ ปฏิจฺจ โนปรามาโส สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

55-68-22. มหนฺตรทุกาทิ-สนิทสฺสนตฺติกํ

[105] นสารมฺมณํ นสนิทสฺสนสปฺปฏิฆํ ธมฺมํ ปฏิจฺจ อนารมฺมโณ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นอนารมฺมณํ นสนิทสฺสนสปฺปฏิฆํ ธมฺมํ ปฏิจฺจ อนารมฺมโณ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ คณิตเกน ตีณิฯ

(อนิทสฺสนสปฺปฏิเฆ ตีณิเยวฯ)

นสารมฺมณํ นอนิทสฺสนอปฺปฏิฆํ ธมฺมํ ปฏิจฺจ อนารมฺมโณ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ เหตุยา เอกํฯ

[106] โนจิตฺตํ นสนิทสฺสนสปฺปฏิฆํ ธมฺมํ ปฏิจฺจ โนจิตฺโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ

นโนจิตฺตํ นสนิทสฺสนสปฺปฏิฆํ ธมฺมํ ปฏิจฺจ โนจิตฺโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ เอกํฯ คณิตเกน ตีณิฯ

[107] นเจตสิกํ นสนิทสฺสนสปฺปฏิฆํ ธมฺมํ ปฏิจฺจ นเจตสิโก สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ

[108] นจิตฺตสมฺปยุตฺตํ นสนิทสฺสนสปฺปฏิฆํ ธมฺมํ ปฏิจฺจ จิตฺตวิปฺปยุตฺโต สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ